Нууцлалын бодлого

1. Хэн бид

Энэ бодлого нь ГАНАДА МОНГОЛИА ХХК («Ганада академи», «бид»)-ийн ganada.mn вэбсайт, суралцагчийн портал, Facebook хуудас ба Instagram аккаунтаар цуглуулдаг хувийн мэдээлэлд хамаарна. Холбоо барих мэдээлэл энэ хуудасны төгсгөлд байна.

2. Вэбсайтын маягт

Түвшин тогтоох тест, зөвлөгөө, дэлгүүрийн захиалгын маягтаар таны нэр, утас, и-мэйл, сонирхсон түвшин эсвэл бараа, мөн та сайтад хаанаас (ямар зар, холбоосоор) ирснийг авна. Зорилго нь тантай холбогдож, хүсэлтийг тань биелүүлэх.

3. Сайтын хэрэглээ

Таны хөтчид (localStorage) нэргүй таних дугаар, сайтад анх ирсэн эх сурвалж, сонгосон хэл хадгалагдана. Үзсэн хуудас, зарим үйлдлийг (үнэгүй хичээл үзэх, маягт илгээх гэх мэт) энэ нэргүй дугаартай холбож бүртгэнэ. Зорилго нь сайтаа сайжруулах, зар сурталчилгааны үр дүнг хэмжих. Хөтчийнхөө сайтын өгөгдлийг устгавал энэ дугаар арилна.

4. AI зөвлөх (сайтын чат)

Чатад бичсэн мессеж хариулт үүсгэхийн тулд OpenAI-д дамжина. Хэт ачааллаас хамгаалахын тулд таны IP хаягийг биш, түүний нэг талын хэшийг өдрөөр тоолдог. Чатад утас эсвэл и-мэйлээ үлдээвэл ярианы хамт сонирхогчоор бүртгэгдэж, манай ажилтан холбогдоно.

5. Санал, гомдол

Санал, гомдлын маягтаар нэр, утас эсвэл и-мэйл, бичсэн агуулгыг авч, гомдлыг шийдвэрлэх бүртгэлд хадгална. Хэт ачааллаас хамгаалахын тулд IP хаягийн хэшийг өдрөөр тоолно.

6. Facebook Messenger, Instagram

• Манай Facebook хуудас эсвэл Instagram руу бичихэд Meta бидэнд таны нэр, хэрэглэгчийн нэр, профайл зураг, (Instagram-д) дагагчийн тоо ба биднийг дагадаг эсэх, таны мессеж, хавсралтын холбоосыг дамжуулна.
• Зар дарж бичсэн бол аль зар, аль пост болохыг бүртгэнэ — зар сурталчилгааны үр дүнг хэмжихэд.
• Мессежид утасны дугаар бичвэл сонирхогчоор бүртгэгдэж, манай ажилтан холбогдоно.
• Автомат хариулагч асаалттай үед ярианы сүүлийн мессежүүд хариулт үүсгэхийн тулд OpenAI-д дамжина. «Ажилтан» гэж бичвэл автомат хариулагч зогсож, ажилтан хариулна.
• Хадгалах хугацаа: яриа ба профайлын мэдээлэл — таны сүүлийн мессежээс хойш 12 сар; Meta-аас ирсэн түүхий өгөгдөл — 30 хоног. Хугацаа дуусахад автоматаар устна.

7. Суралцагчийн портал

Бүртгэл үүсгэж, гэрээ байгуулахад: нэр, утас, и-мэйл, регистрийн дугаар, хаяг, боловсрол, асран хамгаалагчийн мэдээлэл, бүртгэлийн анкет ба цээж зураг, гэрээ ба гарын үсэг. Сургалтын явцад: анги, ирц, дүн, гэрийн даалгавар, хичээлийн видео үзсэн түүх, төлбөрийн төлөв (QPay-ээр төлбөл гүйлгээний дугаар). Google эсвэл Microsoft-оор нэвтэрвэл тэдгээрийн өгсөн нэр, и-мэйлийг авна. Зорилго нь гэрээ, сургалтын үүргээ биелүүлэх.

8. Хэнтэй хуваалцдаг

Мэдээллийг дараах үйлчилгээ үзүүлэгчдээр дамжуулан хадгалж, боловсруулдаг:

• Supabase — өгөгдлийн сан, нэвтрэлт, файл
• Netlify — вэбсайт байршуулах
• OpenAI — AI зөвлөх ба автомат хариулагч
• Meta — Facebook Messenger, Instagram
• Microsoft — и-мэйл илгээх, ажилтны нэвтрэлт, дотоод мэдэгдэл
• Google — нэвтрэлт
• Bunny — хичээлийн видео
• QPay — төлбөр
• Resend — и-мэйл илгээх (ашиглаж буй үед)
• Ажилтанд очих дотоод мэдэгдэлд (Microsoft Teams) зөвхөн нэр, суваг, зарын нэр ордог — утас, мессежийн агуулга ордоггүй.

9. Хадгалах хугацаа

Facebook Messenger, Instagram-ийн мэдээллийн хугацааг 6-р хэсэгт бичсэн. Бусад мэдээллийг бид гэрээ, сургалтын харилцаа үргэлжлэх хугацаанд хадгалдаг; тусгай хугацаа тогтоогоогүй мэдээллийг та устгуулахаар хүсэж болно.

10. Таны эрх

Хүний хувийн мэдээлэл хамгаалах тухай хуулийн дагуу та өөрийн мэдээллийг үзэх, засуулах, устгуулах, зөвшөөрлөө татах хүсэлт гаргах эрхтэй. Хүсэлтээ доорх утас эсвэл и-мэйлээр илгээнэ үү.

11. Messenger, Instagram-ийн мэдээллээ устгуулах

Facebook Messenger, Instagram-аар бидэнтэй харилцсан мэдээллээ устгуулах бол:

1. Манай Facebook хуудас эсвэл Instagram руу «мэдээллээ устгана уу» гэж бичнэ үү, эсвэл доорх утас, и-мэйлээр хүснэ үү.
2. Бид таны профайлын мэдээлэл, яриа, Meta-аас ирсэн түүхий өгөгдлийг бүрмөсөн устгаж, баталгаажуулах код өгнө.
3. Кодоо «Хүсэлтийн төлөв» хуудсанд оруулж шалгана.

Сонирхогчийн бүртгэл (нэр, утас) энэ устгалд ордоггүй — түүнийг мөн устгуулах бол хүсэлтдээ тусад нь дурдана уу.

Facebook-ийн тохиргооноос («Apps and Websites») манай аппыг хасаж устгах хүсэлт илгээсэн бол Meta-аас өгсөн кодоор мөн шалгаж болно.

Хүсэлтийн төлөв шалгах →

Холбоо барих